從前，有二個住在不同世界的人，二人都各自有隻紙杯，一天他們用繩把紙杯連接起，他們每日就靠這紙杯談天說地，他說他的過去，她說她每天遇到的一切，彼此不再寂寞了。因為了解深了，他們更共同建立了他們的世界，他們再不需要紙杯了。初初幾年，他們確實很開心，但日子久了問題就開始出現，她開始不明白他在想怎麼，他亦不明白她怎麼變得不懂體諒人。他們更漸漸返回他們各自的世界......得出這結果的原因，是因為他們都忘記了"紙杯"的真正名字叫"溝通"......

這個故事可笑嗎？可笑的是這二位主角確實存在於現實中！

大約二個月前，我係度出左篇文章，講出我地並無真正溝通過，二個月後的今日，我地有改變過嗎？？我諗極都諗唔明，點解會溝通唔到呢？我的工作唔係客戶服務就美容，每份工都要善於溝通，但點解係我同你o既世界入面我應用唔到呢？你為家庭所付出o既我又點會感受唔到呢，但除此之外，你有捐出少少時間關心我嗎？你係我最親密最信任o既人，我o既事理應你知得最多，但點解事實上唔係呢？係我唔想同你講？定係你無俾過時間我講呢？？問心講，你o既事我何尚唔係想知多d，但你會同我講嗎？到今時今日，你都仲唔明白點解我會咁嬲，我係嬲你出街嗎？我絕對唔係！我只係覺得呢個星期我地見面時間少之極少，難得有一日空閒，點解你都唔願意留俾我？？當然你可能真係有你o既原因，問題就係點解唔可以對我講清楚呢？點解每樣事都要大家估估下呢？我明白你性格上係較為內向，凡事都只會放係心，但我地都知道呢個相處方法係唔可行架，點解大家都唔可以行多步呢？

時間每日每日咁過，我地o既距離好似越黎越遠，我開心同唔開心你都留意唔到了，我覺得好孤單。好多事好想同你分享，其實我好想得到你的關心，普通一個電話，簡單一句問候我都會好開心，難道咁少o既事你都唔會為我做嗎？