我返黎啦~~~~~唔經唔覺差不多二個月無返過黎了...無辦法啦，自從返左呢份工之後，我真係無乜私人時間，無出街唔在講，連上網都無點上過，平均每日只會有半小時用電腦，所以仲邊有時間返黎呀不過今日我有二件開心事，所以一定要抽時間寫底佢

第一件事係…尋日係出糧日，老闆如常返黎忙住對數，之後從房打電話俾我經理，佢地講完一輪後，我經理細細聲同我講："加你人工！"我即時心諗，加人工？呢度有得加人工架咩？係咪我自己聽錯呀，又唔敢再多加追問。直到正式出糧時，收到經理俾我的通知信，我開心到不得了，開心唔單止因為錢o既問題，係我發現我一直咁辛苦做o既事終於有人認同了！

到第二件事，對其它人黎講可能只係一件無聊事，但對於極愛 Monchhichi 的我簡直開心到不得了！大家一齊睇下！！

呢套床單我都買左起碼4年，當時仲買左另一套蜜蜂板Monchhichi，果套我都好鐘意架，下次一定要幫佢影相，至於呢套，我一直都無諗過要用，一心只係想買返黎儲，但果日正當我想換床單時先發現一向用開果幾套床單，已經一套一套俾我掉左了…所以唯有出動我的珍藏最愛~

連陪我渡過左5年寒暑o既"紅蘿蔔"都忍唔住要影相呀