自從返左呢份工之後，都無正正經經煮餐飯食，每晚多數都係食外賣，湯水又無得飲，真係慘...好彩星期六返半日，好啦！放工去買d海鮮俾個驚喜狐狸先生啦！
煮海鮮當然唔少得我最拿手o既薑蔥炒蟹啦！今次呢二隻蟹仲係我自己落手揀架，不過狐狸先生話無乜肉喎
。因為換左個易潔鑊我個覺得炒得唔好食，要快d買返個獲先得！
第一道菜：薑蔥炒蟹
一向都唔多食魚o既我咁耐以黎當然好少會煮魚啦，不過我唔食搞到狐狸先生都無得食好似唔係咁好咁，所以今晚有我第一次整o既黃花魚！我都食左幾啖，唔腥，好味！我用左甜豉油煎所以感覺好似煎得好黑咁。
第二道菜：香煎黃花魚
呢排天氣太熱，個人都無乜心機食飯，所以今晚唔食飯，轉食d涼伴，雞絲粉皮！我平日都好鐘意食粉皮架，不過自己煮又係第一次。
第三道菜：雞絲粉皮(伴麻辣汁及傳統芝麻醬)
另外呢道亦都係處女作，辣酒煮花螺，雖然第一次煮但我覺得好好食，只係嫌d花螺太細，下次要買d大隻d整多次先
第四道菜：辣酒煮花螺
最後仲有呢個...無可能估到係乜o既足料老火湯！
第五道菜：老黃瓜湯(阿媽教落，清熱消暑架)
開餐啦~~~~~
